Мичурин мәдәният йортында “девичник” оештырганнар (ФОТО)

 Бу көнне  клуб һәм китапханә хезмәткәрләре авылдагы хатын-кызларны җыйганнар, “девичник” оештырганнар.  Хатын-кызлар үзләренең серләре белән уртаклашканнар, “Яңа күлмәк”, “Көйне таны”, “Сыерны сау”, “Непроливайка”, “Призны ал” уен-конкурсларында катнашканнар.

Шулай ук “Минем сумкада ниләр бар” дигән конкурс та бик кызыклы үтте, ди Сания Вахитова. Баксаң, хатын-кызларның кайберләре  сумкаларыннан югалган әйберләрен дә тапканнар, берәүнең сумкасы 52 предмет сыйдырган.

Сания Вахитова “Сезгә посылка” викторинасында кызыклы сораулар биреп викторина уздыра. Дөрес җавап биргән кешегә, әлбәттә, сувенир тапшырган.

Авыл үзешчәннәре: Р. Зәйнаков, Р. Мифтахова, Л. Мифтахова җыр башкарганнар. 

Соңыннан чәй табыны янында сөйләшеп, төрле үләннәрдән ясалган тәмле чәй эчкәннәр. Мелисса, юкә, чабрец үләннәрен хатын-кызлар үзләре җыйган булган.

Барысының да күңеле булып, янәдән очрашырга дип таралышканнар.
 

Фотолар: авыл мәдәният йортыннан