ҖӘМГЫЯТЬ
Россиядә пенсиягә вакытыннан алда чыгу яшен киметергә мөмкиннәр
Тиешле закон проектын Дәүләт Думасына бүген кертү планлаштырыла, дип яза «Известия».
Хәзер ир-атларның пенсия яше 65 яшьтән башлана, ә хатын-кызларның - 60 яшьтә. Ир-атларның иминият стажы 42 ел, ә хатын-кызларның кимендә 37 ел булса, алар пенсия яшенә җиткәнче 24 ай алдан чыгарга хокуклы.
Әмма, инициатива авторлары фикеренчә, вуз һәм техникумнарны тәмамлаучыларның күбесе эшкә бары тик 23-24 яшькә генә урнаша, шуның аркасында пенсиягә вакытыннан алда чыгу мөмкинлеге югала. Бу мәсьәләне чишү өчен, депутатлар хатын-кызларга иминият стажы 32 ел, ир-атлар өчен 37 ел итеп билгеләргә тәкъдим итә.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев