Сарабиккол балалар бакчасы элеккеге елларда кебек табигатькә «поход»ка барды

Балалар куркынычсызлык кагыйдәләрен ныклап торып өйрәнгәннәр. Аннары гына походка чыгып китәләр. Юлда барганда, юл йөрү кагыйдәләрен дөрес үтәп, кулга-кул тотынышып барганнар. Авылдагы тауга менгәннәр, тау итәгенә төшкәннәр. Тауда уеннар уйнаганнар, кырмыска оясына тап булганнар, аларны җентекләп күзәткәннәр. "Таудан безнең авыл уч төбендәге кебек күренә икән", - дип шатланышканнар да әле.

Ә балалар өчен иң кызыгы - табигатьтә, саф һавада, өстәл корып, ашап алу булган. Аннары күңелләре булып, бакчага кайтып киткәннәр.

фотолар: https://vk.com/public216701556?w=wall-216701556_67