Татарстан халкы 5G вышкалары буенча ешрак мөрәҗәгать итә башлаган
Татарстанда яшәүчеләр 5G вышкалары һәм аларның сәламәтлеккә булган зыяны турында күбрәк борчыла. Борчылу нигезсез, чөнки урнаштырыр алдыннан барлык элемтә станцияләре катгый тикшерү үтә, ди.
Бу хакта ТР буенча Роспотребнадзор идарәсе җитәкчесе — республиканың баш санитар врачы Марина Патяшина сөйләде.
Спикер әйтүенчә, кәрәзле элемтәнең база станцияләре һәрвакыт халыкта шикләнү тудыра — татарстанлылар нурланыштан курка.
«Без хәзер бу мәсьәлә буенча мөрәҗәгатьләрнең артуын күрәбез. Бүгенге көндә бездә 5G вышкасын урнаштыру буенча бер документ та килешенмәгән. Шуңа күрә, вышкалар бөтен җирдә куела дигән сүз дөрес түгел. Алар халык куллануы өчен түгел, эксперимент максатында урнаштырыла. Әлегә 5G вышкаларының рөхсәт ителгән нурланыш дәрәҗәсе турында нормативлар юк», — дип билгеләп үтте ул.
Кәрәзле элемтәнең башка база станцияләрен урнаштыру буенча кагыйдәләр бар. Роспотребнадзор шулар буенча рөхсәт бирә.
Татарстанда гражданнарның уяулыгы ярдәмендә ел саен 20-30 легаль булмаган кәрәзле элемтә станциясе ачыклана.
Cуд аркылы туктатылганнан соң, алар, эшчәнлекләрен дәвам итү өчен, барлык тикшерүләрне үтәргә тиеш була.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев