Татарстанда илкүләм проект ярдәмендә 9 меңнән артык өлкән кеше диспансеризация узды
2024 елның беренче ике аенда авыл җирлегендә яшәүче 9 547 өлкән кешене диспансеризация, вакцинация уздыру, планлы госпитализация һәм башка медицина ярдәме күрсәтү өчен Татарстанның медицина учреждениеләренә алып барганнар. Бу ярдәм «Демография» илкүләм проекты кысаларында оештырыла.
Пассажирларны бушлай, сәламәтлек мөмкинлекләре чикле кешеләрне транспортлау өчен җиһазландырылган махсус автомобильдә китерәләр.
Быел бу эш белән 57 меңләп татарстанлыны колачларга планлаштырыла.
Мәгълүм булганча, Россиядә планлы нигездә даими рәвештә диспансеризация узып торган, һәм шулай ук ГТО нормативларын уңышлы тапшырган гражданнарга киләсе елдан салым чигерүе тәкъдим ителәчәк. Бу хакта Россия Президенты Владимир Путин Федераль Җыенга Юлламасында белдерде.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев