Татарстанда промышленность җитештерү индексы ел йомгаклары буенча 110 процентка җитә
Татарстанда промышленность җитештерү индексы 2025 ел нәтиҗәләре буенча 110 процентка җитәргә мөмкин.
ТР сәнәгать һәм сәүдә министры Олег Коробченко шулай дип белдерде.
«Ел башыннан бездә зур үсеш күзәтелә – 5 триллион сумлык товар җитештерелгән һәм төяп җибәрелгән. Ел йомгаклары буенча сәнәгый җитештерү индексы 110 процент дәрәҗәсендә фаразлана», – диде Татарстан сәнәгать һәм сәүдә министры.
Чагыштыру өчен: 2024 елда Татарстанда сәнәгый җитештерү индексы 105 процент тәшкил иткән, 5,6 триллион сумлык продукция төяп җибәрелгән.
«Күп кенә юнәлешләр үсеш күрсәтә. Эшкәртү тармагы — лидерлар рәтендә. Автомобиль төзелеше хәзерге вакытта яңарту һәм реконструкция стадиясендә», – дип өстәде Коробченко.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев