Татарстанда хәрби хезмәткә килешү төзегән өчен түләүләр башка төбәкләргә караганда югары

Бу хакта «Җиңү армиясенә кушыл!» телемарафонында Килешү буенча хәрби хезмәткә җыю пункты җитәкчесе урынбасары Рөстәм Сәфиуллин сөйләде.

«Безнең төбәк илнең башка субъектларыннан да гражданнар безгә омтылсын өчен отышлы шартлар тудырып, тренд билгели. Башка төбәкләр белән чагыштырганда, Россия Кораллы көчләренә килешү буенча хәрби хезмәткә керергә теләүчеләрне социаль түләүләр һәм ташламалар белән ике, хәтта өч тапкырга күбрәк тәэмин итәбез», – дип сөйләде Рөстәм Сәфиуллин.

Рөстәм Сәфиуллин әйткәнчә, элегрәк килешү буенча хәрби хезмәткә 40 яшьтән өлкәнрәк ир-атлар китсә, хәзер исә бу категориядәге хәрбиләрнең уртача яше яшәргән.

«Быел срочникларның йөздән артыгы шундук килешү төзеде», – дип өстәде ул.

Хәрби хезмәткә китәргә теләүчеләр өчен кирәк булган очракта яңадан укыту да каралган. Пилотсыз очу аппараты операторларына ихтыяҗ аеруча зур, шулай ук техник-ремонтчы кебек башка профессия ияләре дә кирәк.

"Т.И."