Укучылар долма, шекербура, бадамбурадан авыз итте (+фотолар)

Әзәрбайҗан Кавказ арты төбәгенең иң зур иле, аны борынгыдан ук «ут иле» дип атыйлар. Ул борынгы һәйкәлләргә, архитектурага бай, ЮНЕСКОның Бөтендөнья мирасы исемлегенә кертелгән. 

Илнең үзенчәлеге шунда, анда келәм ясыйлар. Укучылар рәссамнарның келәм рәсемнәре белән тулырак танышты, пазл җыйды. Бер сыйныфта бергә укыган әзәрбайҗан милләтеннән булган иптәшләренең сөйләм телен ишетте. 

Бергә «Шәйдулла — ялкау» әкиятен күрсәтте.

Укучылар әзәрбайҗан халык бәйрәмнәре белән танышып, аларның милли тәм-томнары — пәхләвә, бадамбур, шекербур һәм долмадан авыз итте. 

Әлеге очрашу иң күңелле мизгелләрнең берсе булгандыр, мөгаен. Чөнки балаларның күпчелеге әлеге ризыкларны беренче тапкыр авыз итте.

Фото һәм мәгълүмат Лениногорск Үзәк китапханәнең ВКонтакте челтәреннән