Волонтерлар татарстанлыларга объектларны төзекләндерү өчен тавыш бирергә булыша

 Татарстанда волонтерлар эше оештырылган, алар анда катнашырга ярдәм итә: катнашучы объектлар турында сөйли һәм ничек тавыш бирергә мөмкин булуын күрсәтә. Бу хакта Татарстан Яшьләр эшләре министрлыгы хәбәр итә.

548 волонтер шәһәр һәм районнарның кеше күп йөри торган урыннарында эшли. 30 мартта Лениногорскида волонтерлар Ленинградская урамы, 16нчы йорт территориясендә булачак.

Волонтерларның бурычы - халыкны туган шәһәрен төзекләндерүгә җәлеп итү.

«Ел саен без волонтерлык программасын гамәлгә ашыруга нык әзерлек алып барабыз һәм республикада волонтерлар эше нокталарының шәхси контролен уздырабыз», - дип билгеләп үтте «Татарстан Волонтерлар мәгълүмати-ресурс үзәге» коммерцияле булмаган автономияле оешмасы башкарма директоры Айрат Мөбәрәкшин.

• Бөтенроссия онлайн-тавыш бирү «Уңайлы шәһәр мохитен формалаштыру» федераль проекты «Торак һәм шәһәр мохите» илкүләм проекты кысаларында оештырылды, ул Россия Президенты Владимир Путин карары белән гамәлгә ашырыла.

Анда проект сайтында, Татарстан дәүләт хезмәтләре порталында яки «Татарстан хезмәтләре» кушымтасында катнашырга мөмкин.