Иске Шөгердәге спорт мәйданчыгында авыл апалары да шөгыльләнә

Иске Шөгер авылында спорт җайланмалары белән бергә заманча мәйданчык бар. Узган ел “Татнефть” компаниясенең 75 еллыгы уңаеннан актив яшәү рәвеше һәм сәламәт тормыш алып бару өчен урам тренажерлары булган спорт мәйданчыгы урнаштырылды. 

Авылда спорт мәйданчыгында балалар гына түгел, өлкәннәр дә шөгыльләнә. Әйтик, сәламәтлек көнендә бер төркем апалар урам тренажерларында шөгыльләнгән. Шулай ук балачакны искә төшереп, вышибалы да уйнап алганнар, кыршау (обруч) да әйләндергәннәр. 

Авылда шундый заманча мәйданчык булу зур куаныч. Мәйданчык буш тормасын, балалар килеп уйнасыннар, шөгыльләнсеннәр. Олыларга да аякларны “яздырыр” өчен яхшы урын. 

Фото: Иске Шөгер мәдәният йорты