Урдалылар окоп шәмнәре ясады

Күптән түгел  мәдәният йортына җыелып, авыл халкы окоп шәмнәре ясауга алынды. Авыл активисты Әлфинур апа Галимова уңган апаларны, шулай ук ир-атларны да өмәгә чакырды.

Башта парафин алыр өчен авыл халкы акчалата ярдәм иткән. 80 килограмм парафинга заказ биргәннәр.

Аннары клубта шәм ясау буенча өмә уздырганнар. “13ләп хатын-кыз килде эшләргә, шулай ук ике ир-ат та бар. Бу юлы эшләргә җайлырак булды: чөнки урамда мич куеп, шунда парафинны эреттеләр. Узган ел окоп шәмнәре ясаганда электр плитәсе өстендә эреткән идек”, - дип сөйли Әлфинур ханым.

Берничә көн дәвамында эшләп, 400гә якын окоп шәме ясаганнар.  

Тулырак «Заман сулышы» газетында 24 гыйнвар анында укый аласыз