Лениногорскидан чираттагы гуманитар ярдәм китте
Лениногорскидан махсус хәрби операция зонасында булган якташларыбызга “Чик буе сакчылары” берлеге пограничниклары гуманитар ярдәм җибәрде.
МХО зонасында булган егетләребезгә лениногорскилылар һәрдаим ярдәм итәргә тырыша: маскировка челтәрләре әзерлиләр, ризыклар, кирәк-яраклар, шәхси гигиена әйберләре алып килә.
Кирәк-яраклар арасында хәрбиләргә болгарка, шуруповертлар, инструментлар, бензин пычкысы, эретеп-ябыштыру өчен аппаратлар, генераторлар бар.
Хәзер көз ае булгач, көннәр дә, төннәр дә салкын, җылы кием, җылы резин итекләр дә гуманитар йөккә куелган иде. Бу юлы йөк төялгән машинада 2 спорт мотоциклы да куйганнар. Алар шәһәребездә эшләп килүче җмгыятьләр ярдәмендә алынган. 2 тонна гуманитар йөк төялгән Газель машинасы китте.
Гуманитар йөкне лениногорскилылар МХО зонасында булган якташларыбызга илтеп, исән-имин кайтуларын теләп калабыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев