Лениногорскида «ТУР драйв» ярышлары узды (+фотолар)
Лениногорск Балалар иҗат йортында шәһәр мәктәпләренең яшь армияче отрядлары арасында «ТУР драйв» ярышлары узды.
Әлеге ярышлар Халыкара туризм көненә багышланган иде. Барлыгы 60ка якын яшь армияче 8 этаптан торган сынауларны үтте. Мәсәлән, җөпне төенләп бәйләү, палатка урнаштыру, "Саз"ны, "Киртәләр полосасы"н үтү, топографик билгеләрне ачыклау, шәһәрнең истәлекле урыннарын әйтү һәм башкалар.
Барлык мәктәп командалары да бик актив булды, үзләренең әзерлек дәрәҗәсен яхшы күрсәтте.
Мондый төр ярышлар Лениногорск шәһәрендә инде өченче тапкыр үткәрелә. Яшь армиячеләр отряды командаларының кайсын гына алма, берсе дә сынатмады.
Рамия Гарифуллина, автор фотолары.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев