1 июльдән авыл хуҗалыгы җирләренең чикләрен күчемсез милек реестрына кертә башлаячаклар

Бу хакта «ТАСС»ка РФ Иҗтимагый палатасы әгъзасы Евгений Машаров хәбәр итте.

Аның сүзләренә караганда, бу көннән башлап авыл хуҗалыгы билгеләнешендәге җирләрдә урнашкан авыл хуҗалыгы җирләренең чикләре Бердәм дәүләт күчемсез милек реестрында теркәләчәк.

Машаров, Җир кодексы нигезендә, мондый җирләргә сөрү җирләре, печәнлекләр, көтүлекләр, шулай ук күпьеллык үсемлекләр утыртылган җирләр, шул исәптән бакчалар керә, дип аңлатты. Бу территорияләр бары тик үсемлекчелек һәм терлекчелек өчен генә каралган, ә аларның категориясен бары тик аерым очракларда гына үзгәртергә мөмкин.

Ул ассызыклаганча, авыл хуҗалыгы җирләре аеруча кыйммәтле җирләр рәтенә керә, шуңа күрә аларның чикләре Бердәм дәүләт күчемсез милек реестрында беркетелергә тиеш.

 https://tatar-inform.tatar

фото: Татар-информ