50 яшьлек юбилеен билгеләп үтүче Зәйнәб Фәрхетдинова турында китап чыкты

Татарстанның халык артисты Зәйнәб Фәрхетдинова бу атнаның пәнҗешәмбесендә авылы Сарлыда үзенең юбилейлы туган көне уңаеннан җыр-моң сөючеләргә зур концерт-тамаша бүләк итәчәк. Җырчыбызның истәлекләре тупланган "Терелтәсе иде дөньяны" исемле китабы да яңа гына табадан төште.

Җыентыкның авторы Татарстанның атказанган мәдәният хезмәткәре Гөлгенә Кәримова "Матбугат.ру" хәбәрчесенә җиткергәнчә, китап "Рухият" нәшрияте тамгасы белән басылган.

- Бу җыентык үз эченә утыз елдан артык сәхнә тормышындагы төрле кызыклы, гыйбрәтле вакыйгаларны, төрле елларда гәҗит-журналларда дөнья күргән кайбер язмаларны, җырчыдан хикмәтле сүзләрне үз эченә алды, - диде Гөлгенә ханым.

Зәйнәб Фәрхетдиновага 17 август көнне 50 яшь тула.

http://matbugat.ru/