Иске Иштирәк мәктәбенең яшь экологлары чишмә тирәсен җыештырды

Укучылар җитәкчеләре – укытучы Рушания Галәветдинова белән берлектә Куш кое чишмәсе тирәсенә бардылар. Алар чишмә һәм территоррияне чистарттылар.

Кипкән ботакларны кистеләр, чүпләрне җыйдылар. Әлеге чишмә янына ял итәргә килүчеләр күп була икән, шунлыктан чүп-чарлар монда күп кала.

Чишмәгә бару юлында “Яшь урманчылар” пластик шешәләр, азык-төлектән калган пакетлар, фантикларны да җыйганнар. 3 капчык чүп белән тулды, дип хәбәр итә алар.

Табигатьне пычратмыйк, сакчыл булыйк.