Иске Иштирәк мәктәбенең «Яшь урманчылары» республикакүләм экологик квестта призлы урын алды

Иске Иштирәк мәктәбе сайты хәбәр иткәнчә, мәктәпнең  “Яшь урманчылар” командасы (җитәкчесе - Рушания Галәветдинова) республикакүләм дистанцион экологик квестта катнашкан.

 15 гыйнвардан  8 февральгә кадәр Казан шәһәренең Яңа Савин районының «Мәктәптән тыш эшләү үзәге» муниципаль бюджет өстәмә белем бирү учреждениесе базасында «Туган як сукмаклары» республика дистанцион экология квесты үткәрелде. Квестта 36 команда катнашты.

Квест нәтиҗәләре буенча  “Яшь урманчылар” командасы, география укытучысы Рушания  Галәветдинова җитәкчелегендә II урынны яуладылар.

Афәрин, укучылар!

• Билгеле булганча, Иске Иштирәк мәктәбендә “Яшь урманчылар” мәктәп урманчылыгы эшләп килә. Укучылар һәм экологик берләшмә җитәкчесе Рушания Котдусовна белән бергә күп эшләр башкаралар.

фото: https://vk.com/feed?w=wall-211982589_317