Керкәле зиратларында җыештыру - өмә үткәрделәр

Бу хакта авыл җирлеге башлыгы Ленар Бигманов хәбәр итә.

 "Соңгы елларда Керкәле авылы зиратлары чистарту зур өмәгә әйләнде! Бу ел да искәрмә булмады. Традиция буенча, зиратлар чистарту елдан-ел экологик икеайлык  кысаларында үткәрелә. Бик зур һәм изге эш. 

Бигрәк тә изге Рамазан аенда оештырылган өмәдә катнашу - мәрхүм һәм мәрхүмә булган туганнарыбызны һәм якыннарыбызны искә алу гына түгел, динебезгә һәм милләтебезгә карата зур хөрмәт, гореф-гадәтләребезне баетуда изге адым булып тора.

Өмәдә катнашкан битараф булмаган һәрбер авылдашка рәхмәтебезне белдерәбез. Барыбыз да Аллаһы Тәгаләнең рәхмәтләрендә булыйк", - ди Ленар Бигманов.

фотолар: https://vk.com/karkalisp?w=wall-130072297_589

Безнең Телеграм-каналга кушылыгыз: https://t.me/zamansulyshy