Лениногорск Ветераннар советында олы буын белән җылы очрашу узды

Алда мөһим дата – Лениногорскиның 70 еллык юбилее, һәм аның барлыкка килүе турында өлкән яшьтәгеләрдән башка кем сөйли ала, дип хәбәр итә шәһәр һәм район ветераннар советы рәисе Галия Хәлимова.

Ветераннар – промышленность, мәгариф, мәдәният, сәламәтлек саклау өлкәләре вәкилләре, Лениногорскины төзегән, үстергән  кешеләр. Очрашуда алар истәлекләре белән уртаклаштылар, узган дистә еллар вакыйгаларын хәтерләрендә җанландырдылар.  

Алар үзләренең предприятиеләре, хезмәттәшләре, хезмәт казанышлары турында горурланып сөйләделәр. Һәр тарих-шәһәрнең зур елъязмасының бер өлеше, аны киләчәк буыннар өчен саклап калу мөһим.  

Очрашуда катнашучылар, архив фотоларны карап, Лениногорскиның ничек үзгәрүен, анда яшәүчеләрнең нинди авырлыкларны җиңеп чыгуын һәм нинди җиңүләрне бергә бәйрәм итүләрен искә төшерделәр.

Очрашу җылы атмосферада узды. 

Мондый чаралар – тарихи хәтерне саклауның мөһим өлеше. 

фото: ветераннар советыннан