Лениногорск яшүсмерләре “Мин – булачак мал табибы” конкурсында катнаша ала
Республиканың ветеринария идарәсе тармак оешуга 25 ел тулу уңаеннан балалар һәм яшүсмерләр арасында иҗади бәйге игълан итә. Конкурска рәсем, инша, фотосурәтләр кабул ителәчәк.
Бәйгегә эшләр өч номинациядә кабул ителәчәк. “Рәсем” номинациясенә – 14 яшькә кадәр, “Инша” һәм “Фотосурәт” номинацияләренә 18 яшькә кадәр балалар үз эшләрен тапшыра алачак. Бәйгенең төп шарты – иҗади эшләрдә мал табибына булган хөрмәт, кызыксыну чагылыш табарга тиеш. Эшләрне 1 августка кадәр районнарда урнашкан ветеринария идарәләренә тапшырырга яки күчермәләрен сканер аша төшереп, guv.pressa@tatar.ru. электрон адресы буенча юлларга кирәк.
– Иҗади бәйгегә килгән эшләрне махсус комиссия караячак, – ди идарәнең матбугат үзәге җитәкчесе Алсу Нуруллина. – Җиңү яулаган авторларны идарәнең 25 еллыгы уңаеннан оештырылган бәйрәмгә чакырып бүләкләргә уйлыйбыз.
Чыганак: http://www.vatantat.ru/index.php?pn=4089
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев