Лениногорскиның «Исток - Башлангыч» комплекслы социаль хезмәт күрсәтү үзәгендә «Гаилә» илкүләм проектын гамәлгә ашыру дәвам итә.
Аның бер өлеше булып авыл җирендә яшәүче өлкән яшьтәге гражданнарны медицина учреждениеләренә бушлай алып бару тора.
Проектның төп максаты-ерак торак пунктларда яшәүче өлкән яшьтәге кешеләр өчен сыйфатлы медицина ярдәме алу мөмкинлеген тәэмин итү.
Безнең авылларда яшәүчеләрнең күбесе өчен район хастаханәсенә бару — зур сынау ул, бигрәк тә сүз 65 яшьтән өлкәнрәк кешеләр турында барганда.
Әлеге проектны гамәлгә ашыру авыл җирендә өлкән яшьтәге гражданнарның тормыш сыйфатын яхшыртуда зур әһәмияткә ия. 2026 елның беренче яртыеллыгында 680 кеше алып барылган.
фото: Исток-Башлангыч
Нет комментариев