Лениногорскида мунчада янгын вакытында ир-ат үлгән, аның хатынының тәне пешкән
Лениногорскида мунчада янгын чыгып, бер ир-атның гомере өзелгән, хатынының тәне пешкән.
Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә 20.48 сәгатьтә 101 янгын сагы номерына Ясная урамында мунчада янгын чыгуы хакында хәбәр килгән.
Чакыру буенча барган янгын сүндерүчеләр ут эченнән 55 яшьлек ир-атны алып чыккан, ашыгыч ярдәм табиблары аның үлемен раслаган.
Янгында шулай ук ир-атның 53 яшьлек хатыны зыян күргән, тәне пешкән хатын-кызны хастаханәгә озатканнар.
21.02 сәгатьтә янгынны тулысынча сүндергәннәр. Янгынның беренчел сәбәбе - мичнең төтен чыга торган юлы төзек булмау.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев