Казахстан Республикасында “Тәңкә алу” дисциплинасы буенча Азия Чемпионаты узды.
Тәңкә алу – ул атта чабып барган килеш җирдән кечкенә яньчекне эләктереп алырга кирәк.
Россия Федерациясе җыелма командасына лениногорскилылар да керде, аерым алганда, “Алмакай” ат утары җитәкчесе – Фәрит Нәбиуллин, ул команда вәкиле иде. Р. Салахов – команда тренеры. Команда спортчылары арасында Куакбаш егете Нияз Галиуллин һәм Айдан Хәйруллин бар иде. Алар да «Алмакай» ат утарыннан.
Нәтиҗәдә Нияз – 4нче урынны, Айдан – 6нчы урынны алды. Ниязга бронза медаль алу өчен 1 яньчек кенә җитмичә калган.
Чемпионатта 5 илдән катнаштылар: Россия, Казахстан, Үзбәкстан, Монголия, Кыргызстан.
фото: «Алмакай» телеграм-каналыннан
Нет комментариев