Лениногорскилылар «Тормышка таба 10 000 адым» акциясендә катнашты

Лениногорскиның Түбән сулык территориясендә «Тормышка таба 10 000 адым» акциясе узды. Бу хакта Яшьләр эшләре, спорт идарәсе хәбәр итә.

Акциягә 60 тан артык кеше кушылды. Күбесе биредә танышларын очратты, кайберләре яңа иптәшләр тапты. Физик күнегүләр ясап алгач, түбән сулык территориясен ике тапкыр әйләнеш ясадылар.

Соңыннан акциядә катнашучыларны кайнар чәй һәм конфетлар көтеп тора иде. Әлбәттә, грамоталар тапшырылды. Аннары барысы бергә фотога төште һәм күтәренке кәеф белән таралыштылар. 

Табиблар әйтүенчә, кеше көненә 6-10 мең адым үтәргә тиеш. Бу йөрәкне, кан тамырларын ныгыта.
 

фотолар: УДМС