Лениногорскиның Мәшгульлек үзәгендә ремонт эшләре бара

Март ахырында халыкны эш белән тәэмин итү үзәгенең Лениногорск районы буенча идарәсендә ремонт эшләре башланды. Учреждениене модернизацияләү «Кадрлар» илкүләм проекты кысаларында гамәлгә ашырыла.

«Ремонт тулы куәтенә бара. Хәзерге вакытта эшчеләр демонтаж эшләрен тәмамлыйлар. Аннары эчке бүлмәләрне ясау башланачак, идәнне керамогранит плитәләр белән каплаячаклар, шулай ук түшәмнәр  дә ясалачак (навесной була) яктырткычларны алыштыру булачак», - ди Мәшгульлек үзәге директоры Лилия Шаһиева.

 Яңартылган кадрлар үзәге бердәм фирма стилендә ясалачак, моннан тыш техник база тулысынча яңартылачак.

 Финанслау республика бюджетыннан башкарыла.

фотолар: Мәшгульлек үзәгеннән