Лениногорскиның олы яшьтәгеләре рәссам Олег Кульпинның күргәзмәсендә булдылар

Россия Пенсионерлар берлегенең җирле бүлегенең 50 гә якын әгъзасы рәссам Олег Кульпин эшләре күргәзмәсенә мәдәни экскурсия  ясадылар.

“Олег Александровичның картиналары – төсләр генә түгел, бу төсләрдә сурәтләнгән чор тарихы. Безнең өчен совет рәссамнары иҗаты — ул шәхси хәтернең бер өлеше һәм күңел җылысы», - диләр чарага килүче өлкән яшьтәгеләр. Буяу остасының лаклы миниатюралары аеруча соклану уяткан.

Өлкән яшьтәгеләр музей директоры Наталья Пермякованың Лениногорскида яшәгән һәм иҗат иткән рәссам Олег Александровичның тормышы һәм иҗаты турында сөйләгәннәрен зур кызыксыну белән тыңладылар.

Пенсионерлар күргәзмәне оештыручыларга сәнгатькә кагылу мөмкинлеге өчен рәхмәт белдерделәр.
Мондый чаралар өлкән яшьтә дә актив булып калырга, яңалыкларга карата кызыксыну күрсәтергә кирәклеген исбатлый.  

Чара республикада 2025 елда «Гаилә» илкүләм проекты кысаларында старт алган «Актив озак яшәү» программасы кысаларында оештырылды.

Күргәзмә 4 апрельгә кадәр Туган якны өйрәнү музеенда эшләячәк.

фото: Ф.Усманова