Миңнеханов Татарстан артистларының хәрбиләр өчен концерт куйганын күрсәтте
Республиканың иҗат бригадасы 9 Май алдыннан махсус операция зонасында концерт куйды.
Концертның видеосын Татарстан Рәисе Рөстәм Миңнеханов социаль челтәрләрендә урнаштырды.
«Татарстан делегациясенең махсус хәрби операция зонасына эш сәфәре тәмамланды. Традиция буенча, Җиңү көне алдыннан республика хәрби хезмәткәрләре өчен бәйрәм чаралары оештырылды», – дип язды ТР Рәисе МАКС мессенджерындагы каналында.
«Артистларыбыз, әлеге ял минутларының Ватаныбызны саклаучылар өчен аеруча мөһим булуын аңлап, чыгышларына күңел җылысын сала. Афәрин!» – дип ассызыклады Рөстәм Миңнеханов.
Эш сәфәре кысаларында Татарстан делегациясе республикабызның хәрбиләрен «Татарстан Республикасы алдындагы казанышлары өчен» ордены медале белән бүләкләде.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев