Олег Коробченко Татарстан судно төзүчеләрен һөнәри бәйрәмнәре белән котлады

Бу хакта ведомствоның матбугат хезмәте хәбәр итә.

"Республика Россия суднолар төзү үсешенә зур өлеш кертә. Безнең предприятиеләр елга флотын төзү һәм модернизацияләү буенча масштаблы проектларны уңышлы гамәлгә ашыралар, заманча продукция чыгаруны үзләштерәләр һәм инновацион технологияләр кертәләр. Яшел Үзән заводының А.М. Горький исемендәге экскурсия судносы ачык мисал булып тора», – диелә котлауда.

Коробченко искә төшергәнчә, завод кораблары республика шәһәрләре арасында су элемтәсенә уңышлы хезмәт күрсәтә. Әйтик, 1 майдан Казан‑Чаллы – Казан маршруты буенча су асты канатындагы «Метеор – 2020» судноларында даими пассажирлар йөреше башланды.

«Бу республиканың транспорт системасы үсешендә мөһим адым һәм Татарстан суднолар төзелешенең югары дәрәҗәсенә турыдан – туры дәлил», - дип билгеләде министр.

Ул ассызыклаганча, судно төзүчеләрнең сәнәгать үсешенә, яңа карарлар кертүгә һәм яшь белгечләр әзерләүгә керткән өлеше ихлас хөрмәткә лаек.

Татар-информ