Пенсия турында хәбәр итмәгән өчен Татарстаннан СВО ветеранына карата җинаять эше ачылган
Казанның Вахитов районы суды 51 яшьлек хәрбигә карата җинаять эшен карауга кереште.
Ул тиешле еллар хезмәте буенча пенсия алганда аеруча зур күләмдә мошенниклыкта гаепләнә.
Тикшерү, гаепләнүче элеккеге эш бирүчегә Оборона министрлыгы белән контракт турында хәбәр итмәгән һәм берничә ел дәвамында законсыз рәвештә ай саен җиде мең сумнан да ким булмаган пенсия алган, дип саный.
Гаепләү бәяләмәсе нигезендә, Фларид Мәүлитов конвой хезмәтендә 12 ел эшләгән. 2013 елда эштән азат ителгәч, тиешле еллар эшләү буенча Пенсия рәсмиләштергән, бу хакта кадрлар бүлегенә гариза биргән. Әмма 2016 елда ук РФ Оборона министрлыгы белән контракт төзегән һәм бу хакта элеккеге хезмәт урыны буенча хәбәр итәргә тиеш булган.
Шунысын да билгеләп үтәргә кирәк, гаепләнүче гаепләүләрдән баш тартмаган, шунда ук гаебен танып, зыянны каплаган. Ул хезмәт еллары буенча пенсия алуны һәм бер үк вакытта армиядә хезмәт итүне тыю турында белмәве турында әйтә.
Вечерняя Казань
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев