Социаль фонд гыйнвар өчен пенсияләрнең бер өлешен вакытыннан алда түләячәк

Социаль фонд 30 декабрьгә кадәр, әгәр банк аша түләү датасы Яңа ел бәйрәмнәре чорына — 1-11 гыйнварга туры килә икән, шул  пенсионерларга гыйнвар өчен пенсияләрне күчерәчәк.

Әгәр пенсия гадәттә башка даталарга керә икән, банклар аша күчерү стандарт график буенча узачак.

Вакытыннан алда түләү барлык төр пенсияләргә дә кагыла:

• иминият һәм социаль
• туплау
• картлык һәм инвалидлык буенча пенсияләр

Гыйнвар өчен вакытыннан алда иминият пенсияләре индексацияләнгән күләмдә киләчәк. Алар 7,6% ка артты.

Почта аша түләүләр алучы пенсионерлар гыйнвар өчен пенсияләрен гадәти даталарда алачак.