Татарстанда кыяр һәм балалар ризыгы арзанайды

Аларның уртача бәясе 21 сумга кимегән һәм килограммы 220,89 сум тәшкил иткән. Бу хакта Татарстанстатта хәбәр иттеләр.

Шулай ук балалар ризыгына бәяләр дә төште. Җиләк — җимеш консервалары килограммы 17 сумга диярлек 529,38 сумга кадәр, ит консервалары 24,5 сумга 1152,38 сумга кадәр арзанайды. Каты сырлар арзанайды, аларның бәясе килограммы 819,42 сумга кадәр төште.  Пешкән казылыкның килограммы 515,95 сумга кадәр, пастеризацияләнгән сөтнең литры 90,47 сумга кадәр арзанайды.

Аерым товарларга бәяләр арту күзәтелә. Яңа өлгергән  помидор 10 сумга кыйммәтләнде һәм килограммы уртача 260,39 сум тора. Аракыга 8 сум өстәлде һәм литры 903,66 сумга җитте. Йомырка бәясе бер сумга арткан – бер дистә өчен 90,12 сумга кадәр.

Вести Татарстан