Туфракның артык дымлануы Татарстан уңышына куркыныч тудырырга мөмкин
Россия Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министрлыгының Татарстан буенча Баш идарәсе куркыныч агрометеорологик күренеш – туфракның артык дымлануы турында кисәтү белән чыгыш ясады.
Республика метеостанцияләре мәгълүматларына караганда, Татарстанның кайбер районнарында туфракның катлаулы халәте күзәтелә. Алабуга, Кайбыч, Чүпрәле, Чистай, Минзәлә, Мөслим һәм Азнакайда 6 апрельдән, шулай ук Арча һәм Бөгелмәдә 8 апрельдән 20 көн буена куркыныч күренеш теркәлә.
10-12 сантиметр тирәнлектәге ябышкак туфрак авыл хуҗалыгы эшләрен башкаруны шактый авырлаштыра. Мондый хәл чәчү эшләренең тоткарлануына һәм уңышның юкка чыгуына китерергә мөмкин.
«Реальное время»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев