Фирдүс Тямаевны концертында ирененнән үпкәннәр (+видео)

Видеодан күренгәнчә, чибәр генә хатын-кыз артист янына сәхнәгә кызыл розалар бәйләме белән күтәрелә, «Мин бары тик яратам, башка булдыра алмыйм. Үбәргә ярыймы? » дип кычкыра. Җавап көтеп тормыйча, фанат хатын-кыз җырчыны кочаклап үбә башлый.

Фирдүс Тямаев шок хәлендә кала һәм «Мин әйттем бит, минем концертларга нормаль кешеләр йөрми дип. Ә сез ышанмыйсыз», дип шаярткан. 

Җырчының подписчикларының күбесе, бу пост астында шактый гына комментарийлар да язган. Күбесе бу күренешне ошатмавын белдергән. 

Ни генә булмый артистлар тормышында. Кайсыдыр артистны бигрәк нык яраталар, үз итәләр, ә кайберсенә чәчәк бәйләме дә бирмиләр. Әфәрин, Фирдүс, булдырасың. Хатын-кызлар бигрәк ярата үзеңне. Тормыш иптәшең Резедә аңлый торган кеше булып, бу күренешләрне гафу итә белсен инде.

Фото һәм мәгълүмат ТНВ каналының сайтыннан алынды.