Лениногорск мәктәпләрендә укучы балалар машина йөртүчеләргә мөрәҗәгать белән чыкты

Бөтендөнья юл-транспорт  һәлакәте корбаннарын искә алу көне уңаеннан, мәктәп укучылары руль артында утыручы барча кешеләрнең игътибарын үзләренә юнәлдерде.

Бүген Лениногорскида Бөтендөнья юл-транспорт һәлакәтләре корбаннарын искә алу көненә багышланган шәһәр чарасы узды. Бу көнне ел саен ноябрьнең өченче якшәмбесендә билгеләп үтәләр.

Шәһәрнең барлык мәктәпләре укучылары үзләренең уку йортлары янындагы урамнарга ачык плакатлар тотып чыктылар.

 Акциянең максаты – машина йөртүчеләргә турыдан-туры мөрәҗәгать итү, аларны юлларда игътибарлы һәм сак булырга өндәү иде. Плакатларда "Тизлегеңне  кимет – гомереңне сакла!" , “Сине өйдә көтәләр!” дигән өндәмәләр бар иде.

Әлеге өндәмәләр һәр тормышның кыйммәте турында искә төшерер,  яңа фаҗигаләрне булдырмый калырга ярдәм итәр дигән өмет тудыра.  Акция шулай ук юл хәрәкәте иминлеге  - гомуми җаваплылык булуын ассызыклады.

фотолар: Э.Кирдяновадан