Лениногорск нәниләре машина йөртүчеләргә юл йөрү кагыйдәләрен онытмаска өндәде (+фотолар)

«Юл хәрәкәте иминлеге» учреждениесе Әлмәт территориаль идарәсенең Лениногорск районы буенча профилактика бүлеге начальнигы Зөлфия Рахманова, дәүләт автомобиль инспекциясе хезмәткәрләре балалар белән юл кагыйдәләре турында сөйләшү үткәрде. Ул якынлашып килүче  Бөтендөнья юл — транспорт һәлакәтләре корбаннарын искә алу көненә багышланган иде. 

Шуннан соң, балалар җәяүлеләргә һәм машина йөртүчеләргә юлда йөргәндә куркынычсызлык кагыйдәләрен онытмаска кирәклеген искәртеп, юлда имин йөрүне символлаштыручы –  кәгазьдән ясалган билге тараттылар.