Лениногорск районында яктылык кайтаргычы булмаган җәяүле авариядә үлгән

Бу хәл 23 октябрь кичендә була, дип хәбәр итә Лениногорск ГАИ бүлеге.

Бәкер авылыннан Лениногорскига таба хәрәкәт итүче Nissan X-Trail машинасы шоферы 1962 елгы җәяүлене бәрдерә.

Җәяүле киемендә төнге вакытта яктылык кайтаргыч элементы (светоотражающий) булмаган килеш юл уртасыннан бара торган була. Авариянең нәтиҗәсе җәяүленең үлеме белән тәмамлана.

Юлларда сак йөрегез! Җәяүлеләр дә, шоферлар да юл кагыйдәләрен үтәсеннәр.