Заман сулышы

Лениногорск шәһәре

16+
ЮЛ ИМИНЛЕГЕ

Лениногорск суды руль артында исерек хәлдә тотылган лениногорскилының эшен карады

2025 нче елның 1 нче гыйнварыннан исерек хәлдә автомобиль руле артына утыручыларга карата җәза арта төште.

 Исерек яисә исерткеч эчемлеклр куллануга медицина тикшерүе үтүдән баш тарткан шофер Россия Федерациясе җинаять – процессуаль кодексы 12.8 маддәсенең 1 нче өлеше нигезендә 45 мең сум күләмендә штрафка тартылып, 2 елгы идарә итү хокукыннан мәхрүм калачак.

Әлеге җәза руль артында беренче кабат кына эләгүчеләргә кагыла, ә кабат тотылган очракта,  РФ Җинаять кодексының 264.1 маддәсенә нигезләнгән җинаять җаваплылыгы яный.

 Лениногорск суды руль артында исерек хәлдә тотылган җирле кешенең эшен карады. ДАИ инспекторлары 33 яшьлек шоферны документлар тикшерү өчен туктаткан.

“Автомобильнең ишеге ачылуга, мин шофердан килгән хәмер исен тойдым. Шоферның документларын тикшергәч, аның алкотекторга өреп каравын яисә үзем белән бергә барып, медицина тикшерүе үтүен таләп иттем. Әмма чит ил маркалы автомобиль руле артында утыручы минем  законлы таләбем белән килешмәде. Шуннан соң ике шаһит күз алдында мин тиешле протокол төзедем”,- дип сөйләде суд утырышына махсус чакырылган ДАИ инспекторы.

Суд  хокук таләпләрен бозучыга мондый очракларда тиешле булган җәзаны билгеләде.

Лениногорск дәүләт автоинспекциясе башлыгы Елена Никитина сүзләренчә, агымдагы елның шушы ике аенда исерек хәлдә автомобиль белән идарә иткән 50 шофер туктатылган.
“ Аларның 5 се – бер ел эчендә икенче тапкыр кабатланган очраклар. Бу исә штраф һәм йөртү хокукын югалтудан тыш, исерек шоферның машинасын, җинаять кылу чарасы буларак конфискацияләү, мәҗбүри эшләргә тарту, хәтта ирекне чикләүгә китерергә мөмкин. Өстәвенә, хокук бозучы, автотранспорт йөртүгә бәйле хезмәтләр белән шөгыльләнүдән дә ел ярымга мәхрүм калачак”,- дип аңлатты җитәкче.

 

 

Следите за самым важным и интересным в Telegram-каналеТатмедиа

Безнең Телеграм-каналга кушылыгыз: https://t.me/zamansulyshy


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев