Лениногорск районы ветеринария пунктлары нәтиҗәле эшләүчеләр исемлегенә кергән

Татарстанда ветеринария пунктлары иң нәтиҗәле эшләүче районнар билгеле. Бу хакта баш мал табибларының Әлки районында узган семинар-киңәшмәсе вакытында ТР Министрлар кабинетының Баш Ветеринария идарәсе җитәкчесе Алмаз Хисаметдинов әйтте.

"Түбән Әлки авылы - үрнәк ветеринария пункты идарәсе. Алар даруханәләрен халыкка кирәкле дарулар белән тәэмин итүдә дә, ясалма каплату өлкәсендә дә лидерлар рәтендә", - ди ул.

Баш ветеринария идарәсенең дәвалау-профилактика бүлеге җитәкчесе Солтан Латыйпов шулай ук авыллардагы модульле ветеринария пунктларының эшчәнлеген билгеләп үтте.

"Әлки районы - лидер. Аннан Кукмара аз гына калыша. Арча, Лениногорск районнарында да эш яхшы оештырылган. Терлекчелек районы булмаса да, Баулы яхшы күрсәткечләр бирә. Буа районының Кишер Аксуы һәм Зур Боерган авылы ветеринария пунктларын аерып әйтергә кирәк", - диде бүлек башлыгы.

Чыганак: tatar-inform.tatar

yandex.ru/images/search?text фотосы