Лениногорск хуҗабикәләренә “тозлы” киңәшләр

• Тоз ярдәмендә  плитәдәге май тапларын да чистартырга була. Моның өчен кайнар плитәгә күп итеп тоз сибәргә, ә аннары берничә тапкыр кәгазь белән сөртеп алырга.

• Яңа чуен табаны кулланыр алдыннан, башта тоз салып, ут өстенә куегыз һәм җылытып алыгыз. Аннары шул ук тоз белән ышкып, май сылагыз да яхшылап кыздырыгыз. Мондый табада кыздырылган ризыклар көймәс.

• Юганнан соң аш тозы салынган салкын суда чайкап алсагыз, карасу төстәге ефәк һәм сатин тукымада эшләнгән кием-салымның ялтыравы озаграк саклана.

• Җылыткычтагы суга бераз тоз кушсагыз, кайнарлыгы озаграк  сакланыр.

• Кайрар алдыннан тозлы суда чылатып алсагыз, пычаклар җиңелрәк үткенләнер һәм тиз үтмәсләнмәс.

• Бик әче җиләк-җимешләрдән татлысу кайнатасыз икән, башта татлысуга бераз тоз салып кайнатып чыгарыгыз һәм шуннан соң гына шикәр комы өстәгез.

Чыганак: “Юлдаш” календаре.

ФОТО:http://pixabay.com