ҖӘМГЫЯТЬ
Ак Барс Банк Казандагы фаҗигадә зыян күргән гаиләләрнең кредитларын юкка чыгарачак
Башка банклар да бу эшкә кушылырга ниятли.
Ак Барс Банк Казандагы 175нче гимназиягә кораллы һөҗүм вакытында балалары һәлак булган һәм зыян күргән гаиләләрнең ипотекасын һәм куллану кредитларын юкка чыгарачак. ТР Президентының матбугат хезмәте җитәкчесе Лилия Галимова шулай дип белдерде.
«Ак Барс Банкның идарә рәисе Зөфәр Гәрәев республика Президентына хәзерге вакытта банкның, һәлак булучылар һәм зыян күрүчеләрнең исемлеге белән чагыштырып, үзенең мәгълүматлар базасына анализ ясавы хакында хәбәр итте», - диде Галимова.
Аның сүзләренчә, башка банклар да бу эшкә кушылырга ниятли.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев