Бүген лениногорскилы Фәния апа Мияссаровага 90 яшь тулды

автор, 15 март 2018 - 11:15

976

Тыл хезмәтчәне Фәния Әхмәтдин кызы Мияссарова 90 яшьлек юбилее уңаеннан Ил башлыгының Котлау хатын алды. Тумышы белән Актаныш районнан булган Фәния апа Лениногорскига 1955 елда килә. Егерме биш елдан артык икмәк заводында экспедитор булып эшли ул. Аңа бик яшьли тормыш арбасына җигелергә туры килә. Ачлыкны да, төрле авырлыкларны да балачактан...

Бүген лениногорскилы Фәния апа Мияссаровага 90 яшь тулды

Тыл хезмәтчәне Фәния Әхмәтдин кызы Мияссарова 90 яшьлек юбилее уңаеннан Ил башлыгының Котлау хатын алды.

Тумышы белән Актаныш районнан булган Фәния апа Лениногорскига 1955 елда килә. Егерме биш елдан артык икмәк заводында экспедитор булып эшли ул.

Аңа бик яшьли тормыш арбасына җигелергә туры килә. Ачлыкны да, төрле авырлыкларны да балачактан ук күрә. Өч яшьлек вакытта әнисез кала, әтисен төрмәгә утырталар. Әнисенең бертуган Зәки апасында үсә ул. Орчык хәтле буе булуга карамастан, унике яшеннән ипи сала, бөтен өй эшләре дә аның җилкәсенә төшә. Хатынннар белән беррәттән, фронтка оекбаш, бияләйләр дә бәйли.

Фәния апага үз яшен һич бирерлек түгел. Сөбханалла, күзләр тимәсен!

- Тик утырырга бер яратмыйм, өйдә нәрсә дә булса да эшлим, - ди. Зарланып, уфтанып ятуны булдыксыз һәм ялкаулар эше дип саный.

Фәния апа - көр күңелле һәм бик хәрәкәтчән. Юбиляр кул эшләренә, аш-суга да бик оста. Бәйрәм көне уңаеннан тәмле бәлеш тә салган . Бәлешнең хуш исе бөтен бүлмәгә таралган иде . Аның күңел җылысы белән бәйләгән чәчәкләре күз явын алырлык. Үзе яши торган балконында алар "мине күрегез дигәндәй" әллә кайдан күзгә ташлана.

Зилә Мөдәррисова