Коточкыч хәл: өченче баласын үтереп күмеп куйган

Бу куркыныч хәл май бәйрәмнәрендә була.

Новокузнецк районының бер авылында бер хатын өченче баласын таба һәм аны сулы таста батырып үтереп полиэтиленга төрә дә җиргә күмеп куя. Аның йөкле икәнен белгән күршеләре ханымның гәүдәсе элекке хәленә кайтканын күреп шиккә калалар һәм бу хакта полициягә хәбәр итәләр.

Хокук сакчылары ханымны чакыртып сораштыра һәм аның яңа туган сабыйны үтергәнлеген ачыклый. Хатын үз адымын ике бала өстенә өченчесен дә тәрбияли алмаячагы белән аңлата. Аның ире дә булмый. Ул баланы очраклы кешедән тапкан була.

Кемерово өлкәсендә җинаять эше кузгатылган. Ханымны 5 елга кадәр төрмә көтә.

http://www.almet-rt.ru/