Лениногорскида халык белән традицион очрашулар дәвам итә

 Традиция буенча алар Лениногорск районы башлыгы, аның урынбасарлары, башкарма комитет җитәкчеләре, төрле хезмәт вәкилләре катнашында уза. 3 февральдә очрашу 12 нче лицейда 8 нче ТОС микрорайонында яшәүчеләр өчен узды.

2019 елдагы эш турындагы хисап белән 8 нче ТОС рәисе урынбасары Людмила Просвирина чыгыш ясады. Әлеге территориаль иҗтимагый үзидарә үз эченә 55 күпфатирлы йортлы 9 урамны ала, анда 8 меңнән артык кеше яши. Микрорайон территориясенә «Техника»  хезмәт күрсәтә, башкарылган эшләр һәм агымдагы елга планнар турында директор Әлфия Мөхлисова сөйләде.

Полиция участок уполномоченные Илнур Мортазин үз чыгышында гражданнарның уяулыгы, мошенниклык очраклары ешаюга бәйле мәсьәләләргә кагылды. Аннары Лениногорск муниципаль районы буенча күзәтчелек эшчәнлеге һәм профилактик эш бүлеге һәм «Лениногорскгаз»  вәкилләре чыгыш ясады.

Очрашуга йомгак ясап, шәһәр мэры Рәгать Хөсәенов халыкны муниципаль районның социаль-икътисади үсеше турында җентекле  таныштырды, агымдагы елга төп юнәлешләр һәм бурычлар билгеләде.

Очрашу  халкының актив катнашында узды.  илкүләм проектлар фотокүргәзмәсе эшләде, анда Лениногорск районында 2019 елда тормышка ашырылган милли проектлар чагылдырылган.

Ахырда район башлыгы микрорайонда яшәүче Дания Насыйровага актив ярдәме өчен Рәхмәт хаты тапшырды.

Мэриянең матбугат хезмәте