Лениногорскида пенсионер хатын-кыз 600 мең сумын урлаткан
Хатын-кыз өч атна дәвамында аферистларның счетына 600 меңнән күбрәк акча күчергән.
Полициягә Лениногорскида яшәүче 60 яшьлек хатын-кыз мөрәҗәгать иткән. Ул интернетта өстәмә акча эшләү турында мәгълүмат күрүен сөйләгән. Теркәлү узганнан соң, аңа билгесез кеше шалтырата, үзен трейдер дип таныштыра. Ир-ат сатулар өчен смартфонга берничә кушымта йөкләргә һәм 15 мең сум күләмендә беренче взнос кертергә кирәген әйтә.
Шалтыраткан кеше керемнең кертелгән акча күләменә бәйле булачагын әйтә. Өч атна дәвамында хатын-кыз счетка 600 меңнән күбрәк акча күчергән.
Күпмедер вакыттан соң ул акча алырга теләгән, әмма моның өчен страховка, комиссия һәм башка взнослар түләргә кирәк булган.
Хатын-кыз аферистлар тозагына эләгүен аңлый һәм полициягә мөрәҗәгать итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев