Лениногорскида вакыты чыккан азык-төлек сатканнар

Дәүләт алкоголь инспекциясенең Әлмәт террриториаль органы көньяк-көнчыгыштагы шәһәр кибетләрендә тикшерү уздырган.

Аның барышында яраклылык вакыты чыккан яисә ул турыда мәгълүматы булмаган азык-төлек сатучы нокталар булуы ачыкланган. Исемлектә шәһәребезнең Чайковский, Вахитов урамнарында урнашкан "Шифа" кибете дә бар.

Белгечләр билгеләп үткәнчә, кулланучы яраклылык вакыты чыккан азык-төлек куллану сәламәтлеккә зур зыян салырга мөмкин. Әгәр хокукларыгыз бозыла, дип уйласагыз, Дәүләт алкоголь инспекциясенең Әлмәт террриториаль органына шалтыратып, консультация алырга була. Аның Лениногорскидагы адресы: Гагарин урамы, 51 нче йорт, e-mail:lensk@tatzpp.ru тел.:5-19-72.