Лениногорскилы Нина Игнатьевна Куприяновага – 90 яшь (фотолар)

Район башлыгы урынбасары Гөлфирә Рафикова юбилярны 90 яшь тулуы белән котлады.

Аңа Россия Федерациясе Президенты Владимир Путинның һәм район башлыгы Рәгать Хөсәеновның бүләген тапшырды. Юбилярга озын гомер, сәламәтлек, тыныч картлык теләде.

Нина Куприянова тумышы белән Балык Бистәсеннән. Лениногорскига ире Василий белән 1952 елда күченеп киләләр һәм күп еллар Нина Игнатьевна "Лениногорскнефть" идарәсендә хисапчы булып хезмәт куя.

Юбилярны хөрмәтләп элекке эш урыныннан да килгәннәр. "Лениногорскнефть" идарәсенең ветераннар советы рәисе Миншакир Нуриев Нина Игнатьевнага олы рәхмәтен, җылы теләкләрен җиткерде.

Юбилярның кызы Людмила:

- Әни искиткеч ярдәмчел кеше. Аның акыллы киңәшләренә колак салабыз, шундый әниебез, әбиебез белән горурланабыз, -ди.

Нина Игнатьвнаның дүрт оныгы һәм дүрт оныкчыгы бар.

Зилә Мөдәрисова тексты һәм фотолары