Лениногорскилылар "Мәрхәмәтле йөрәктән изге эшләргә" игелек акциясенә кушыла ала

Лениногорскиның ЗАГС бүлеге "Для добрых дел от любящих сердец" республика ГХАТ идарәсе һәм Анжела Вавилова исемендәге Фонд белән берлектә иганәчелек акциясе уздыра.

Җыелган акча Казан шәһәрендәге балалар хосписында авыр авыруга дучар булып, дәвалануга мохтаҗ булган республикабыздагы балаларга ярдәмгә күчерелә. Иганә җыю ирекле.

Бу Фондка Владимир һәм Марина Вавиловлар, кызлары Анжелага багышлап 2003 елда нигез сала. Аңа март аенда 15 ел була. Барлык мөмкинлеге, теләге булганнарны һәм шушы авыр хәлне аңлаучыларны катнашырга чакырабыз. Ваемсыз булмыйк!

Фотолар ЗАГС бүлегеннән