Лениногорскиның Мәшгульлек үзәгендә 684 вакансия бар

Лениногорскиның Мәшгульлек үзәге эш урыннары ярминкәсе уздырды. Анда 17 предприятие-оешмадан вәкилләр килеп, эшсезләр өчен эш урыннары тәкъдим итте.

Вакансияләр арасында токарь, электр белән эретеп ябыштыручы, автослесарь, шофер, кухня эшчеләре, төрле белгечлек табиблары, инженер, агроном, тегүче, электр монтер кебек һөнәрләр бар иде.

Бүгенге көндә Мәшгульлек үзәге банкында 684 вакансия исәпләнә.

Ярминкә вакытында эш бирүчеләр эшсез гражданнарга консультация бирде, аңлату эшләре алып барды.

Эшсезләр ярминкәсендә 150 кеше катнашты, дип хәбәр итә Мәшгульлек үзәге.