Лениногорскиның политехник колледж студентлары “Безопасный переход” акциясенә кушылды (+фотолар)

Акцияне Лениногорск Эчке эшләр бүлеге белән берлектә Әтиләр советы рәисе Юрий Владимирович Гарилов үткәрде.

“Юл хәрәкәте куркынычсызлыгы” учреждениесе профилактика бүлеге начальнигы Зөлфия Рахманова студентларга юлда йөрү кагыйдәләре һәм аны ничек дөрес үтәргә кирәклеге турында сөйләде.

Шулай ук, һәр җәяүленең киемендә яктылык кайтару элементларының булуы мөһимлеге турында да әйтте.

Студентларга  Лениногорск шәһәре һәм районында җәяүле белән бәйле  юл-транспорт һәлакәтләре турында сөйләделәр  һәм аларны юлда йөргәндә игътибарлы булырга чакырдылар.