Иҗат кешесенә көзге матур көннәр моңсулык өстәми, аны рухландыра гына
Якташ шагыйрь Таһир Шәмсуаров әнә ничек матур итеп шигырь язган.
Көзге хатлар
Өмет-куанычлар белән
Аяз көләч таң аткан.
Көзге җил ишегалдына
Күпме хатлар тараткан.
Яшел яфракка кагылам,
Елмаямын, көләмен.
Адресы җанга ятышлы
Яз - җәйнеке, беләмен.
Менә монысы үтә якын,
Мин көткәне, минеке.
Гүзәл каенныкы инде,
Әйе, сентябрьнеке.
“Балан” җыры яратканны
Октябрь алдан тойган.
Кызарган яфрак өстенә
Балан тәлгәшен куйган!
Шатлык-куанычлар белән
Туп-тулы ишегалдым.
Елмаймыйча түзеп кара
Мин көздән хатлар алдым!..
Таһир Шәмсуаров
Нет комментариев